謝太生活日記

星期二晚餐......

kristy_woo — Tue, 18 Nov 2008 09:08:29 +0800

上星期日阿媽比左成包粟子我,唸住拎來煲湯既,不過因為太多喇,所以今日用左一半粟子整左個粟子炆排骨,哩個餸要用好多時間炆 (25mins) ,所以今晚其他餸就整d 易d 既.....

材料: 腩排$25,粟子半斤,蒜頭2-3粒,薑3片
調味: 豉油2茶匙,糖1茶匙,鹽1茶匙,麻油少許,酒1茶匙,粟粉1-2茶匙,油少許
茨汁: 糖1/2茶匙,鹽1/2茶匙,酒2湯匙,生抽1茶匙,老抽1茶匙

1) 腩排洗淨,調味半個鐘
2) 落2湯匙油,爆香蒜頭同薑, 再落排骨炒一炒,再加粟子
3) 落大約350 ml 水,剛剛蓋住排骨就可,用中火炆20mins 左右
4) 粟子林身後落茨汁炒一炒, 就成!!!

老公話哩個唔錯wor.....我都覺得幾好食,呵呵 !! 不過哩個份量都幾多下,帶埋飯就arm arm 好,如果2個人食就可以買少d 材料~

另外整左個節瓜火腿炒粉絲 & 蕃茄薯仔魚湯呀.....

做法:蕃茄3個,大薯仔一個,一粒魚味濃湯寶.....3碗半水.....煮15mins ,飲得,好味 !!! (電話廣告教既,哈哈 )

晚餐記

kristy_woo — Thu, 13 Nov 2008 09:47:23 +0800

近日天氣凍左好多, 而且又好乾燥,攪到我鼻子流鼻血呀 ,所以今晚煲左個雪梨雪耳南山杏湯飲下先

另外,起hung 師奶果度參考左佢既食譜,同青豆少粒粒好似ga,不過今次就用蕃茄 ^^ 都幾好食,不過有d 酸,下次落多少少糖先得, 非常有營養既菜式~

仲有整左粟米腸同蒜蓉炒菠菜 ^^

裁員 ? 凍薪 ? 冇花紅 ?

kristy_woo — Wed, 12 Nov 2008 09:41:06 +0800

依家既時勢真係恐嚇,個幾2個月就聽到好多公司都倒閉,裁員....大把人失業喇 !!
今日winnie 無啦啦問我野, 對話如下:
winnie : kristy 呀, 我想問下公司會唔會執苙ga??
kristy : 緊係唔會啦........ 做咩咁問呀?
winnie : 無呀,哩排見咁多公司執苙,真係有d 驚失業呀....
kristy : 咁又唔使擔心,我地公司咁大,最近又接左 fedex 生意..... 雖然panal, ei d 生意係少左d...不過唔怕既,最多咪裁員同埋冇花紅lo~
winnie : 下,裁員 .......
kristy : 係呀, 裁d冇咩用既員工 lo
winnie : 咁咪即係我lo?!
kristy : 咁又唔會...炒都係炒倉果d 先啦....
winnie : 唉~~ 好擔心呀 !!
講完以上既對話, 其實我最擔心既唔係炒我,而且冇花紅同下年冇得加人工呀 !! 因為我唸點都唔會炒我既,話曬所有大客既單係我出ga ma, 冇左我哩個a/c , d 客點找數比我地呀 !!!

至於冇花紅,真係唔出奇呢....不過花紅對我真係好重要,雖然係好少,得果幾千蛟,不過係我新年派利是既未源........如果冇左既話,真係唔知點,冇$$ 派lu........... (唔好問我拎利是喇,呵呵!)

下年凍薪?? 我緊係唔希望啦..... 依家咩都貴過人,買咩都要就住就住......到時真係食粥水都似喇!!!

今日入左kat 姐房比野佢簽,順便拎埋5日大假 .......今日佢既心情都幾好,差左幾日,終於靚返~ 簽完d 單後,比左張大假紙佢簽 ,好驚呀!! 怕比佢話~~ 點知冇話度,不過就問我會唔會攪掂d 單先放lo,我話ok,冇問題 !
之後想走之制,無啦啦叫我........

kat : kristy !
kristy : 係~
kat : 依家panal 既單追得咁緊, 你攪唔攪得掂呀??
kristy : 都ok 既~
kat : 如果真係覺得好辛苦,好 tight 既話,出聲呀, 我叫fedex 部門既a/c 幫你手呀
kristy : 下,佢唔係負責 fedex 既野ga 咩?
kat : cher, 佢咩都要做ga la...
kristy : 哦!
kat : 如果你真係好 tight ,記住開聲呀...幫你做下bas 呀,其他單呀.....
kristy : 哦,不過bas 唔係我做ga, 係 winnie 做ga...
kat : 係咩....哈哈!! 咁幫你做其他野lo...
kristy : 好呀, 唔該~
哈, 終於佢知道我有幾辛苦啦............依家月頭真係 busy 都死死下呀, panal 成百張既單要我5日比到個客,ei 又話要3日.....a-sonic 又話要5日.......又要出銀行........想做死人咩~

月尾開始放假,真係要好好休息下先得........唉~

弊家伙........唔記得左拍拖7周年tim >.<

kristy_woo — Wed, 12 Nov 2008 09:28:08 +0800

2001年11月7日 - 我地正式拍拖.......
2007年5月27日 - 我地結婚喇..........
拍拖周年紀念一年比一年簡單地過去......直到今年,我居然唔記得左 !!! 而老公又冇提起...... 過左5日後,突然先醒起jer~~ >.
我好少咁冇記性ga ma...............可能近排唸得太多老公生日既野啦.....所以一時忘記左咁重要既野~
唔覺唔覺...咁快就一齊左7年喇, 真係過得太快喇 !!! 哩幾年我地都過得好開心,雖然有時都會發大家既脾四....不過又好快冇事既 ,呵呵~ 今年冇慶祝, 唯有等老公1/12 生日時同佢過得開心d 啦................... ^^

晚餐..........意粉............

kristy_woo — Fri, 07 Nov 2008 09:31:56 +0800

今晚唔須要煮飯,因為聽日放假...唔想攪咁多野,想休息下~ 所以老公就提意煮意粉食喇 !! 其實我都係煮左幾次,之前係茄汁意粉,今次老公想食白汁 wor........ 其實出面有好多白汁買,不過好多都係有磨姑ga (老公唔食得) , so 唯有買忌廉雞湯做汁啦......加d 腸仔粒,火腿粒.... 味道一般啦......下次睇下有咩汁更好味先..............

晚餐篇~

kristy_woo — Wed, 05 Nov 2008 09:20:18 +0800

依家每晚都有阿So教煮野食,而且煮法又好簡單wor, 所以我都會試下整...... 今日試左個炒粒粒,阿So 話最憎切粒粒既,而我就相反最鐘意喇 ^^ 睇下~ 都幾似樣ga, 味道都幾好,不過菜圃好似咸左d lo............... 不過有d 唔明,阿So d 調味落好多ga,我就落少少ga jer~~ 仲有,整左個瑞士雞翼 + 福州魚蛋冬瓜湯 ^^

小吹子既愛心蛋糕 @.@

kristy_woo — Thu, 23 Oct 2008 09:27:22 +0800

今日起公司冇咩野做,都好feel 下...不過又好悶 bor !!! 悶左成個早上, 下午就出左一陣 bank, 今日超少人呀, 去左3間bank 都唔使 20分鐘就攪掂喇, 少有 !! 哈哈~~ 今晚唔使煮飯,收左工約左表弟簽返份基金 form, 原先話 cut 既,不過唸唸下都係唔 cut 住,睇長線......... 好快簽完名就返屋企喇 !! 唸住起樓下茶餐廳買飯返去食既,點之d 餐唔係咁 arm 食,老公就話唔好買啦, 今晚煮公仔noodles + 餃子食wor..... 今晚有蛋糕食呀, 原來老公個東涌同事小吹子整左個落足料既蛋糕比我地食.... 我煮緊野食時,老公就落樓下拎~ 食完晚飯就食 cake 啦...... 靚唔靚呢?! 食到好飽~~

睇中醫~

kristy_woo — Wed, 22 Oct 2008 09:46:16 +0800

約左成個月既遲ec 終於可以睇喇~ 今早8:45 已經去到喇,不過上到去已經見到好多人下,都有5-6個人喇 !!! book 左9點.....等等等,等到 9:50左右見到我睇. 入到房,見到ec 都幾nice 下, 叫我伸隻右手比佢把脈, 都把左好耐,1分鐘都有....... 仲問我大陸起邊,話我個名改得好,父母咁識改 wor......因為佢話大陸好多有名既人都係叫我個名 ^^' 把完右手,到左手..........之後寫左幾項問題出來!! 問題都係肝火重,濕重,多野唸等等....身體都比較弱,要好好調理下....... 出到去,等左一陣, 就拎左5包藥走喇,成為 $430 ,都幾平 wor~ 返到公司已經係11點 lu.......................哈哈~ 今晚開始要煲藥飲,日日飲......飲完5日,隔幾日再去執多幾日.........希望快d 調理好身體啦 !!!

BATMAN lego 車

kristy_woo — Thu, 16 Oct 2008 09:17:00 +0800

今個星期, 晚晚都要煮飯, 不過食完飯都冇咩野好做, 電視又唔好睇,所有食完飯都會關左佢....可謂無電視夫妻,哈哈 !! 由於冇電視睇,冇片睇,咁我地就開始砌架BATMAN 車喇....起上星期日買ga, 老公鐘意左哩架車好耐,不過成日都冇貨,而且又好貴.....點知果日起信和難得搵到,而且價錢又平d ($5xx) ,所以就即買左 lu..... 第一晚,砌左架小丑車 & 人仔先.....好好玩呢~ 第2晚,就砌架主角車.....batman 車喇!! 好有難度,不過係難唔到我地既, 呵呵~ 架型車終於完成啦.....放左起飾櫃度,有機會來我度睇下 ,kaka!

我做左人地既姑媽.....

kristy_woo — Sun, 12 Oct 2008 09:08:55 +0800

表弟既bb 出左世唔夠一星期,今日我地整整拉大隊去睇bb 呀...... bb 女好似叫做"紫盈",不過好似唔係咁寫法,哈哈~~ 一出世又7磅幾喇,真係好有份量既bb 呀!!!而且仲有咁多人錫錫 tim ^^ 一入到屋,我同家姐就玩bb 喇,bb 女訓緊覺,仲訓得好"林",點攪到唔醒既....... 媽咪佢地叫我抱下bb, 不過我有d 驚呀, 都唔識抱......最後都抱左起手度,都好得呀,呵呵!!! 抱左幾個字,手有d 軟,就比左家姐抱啦.............. 表弟同我影左張抱bb既相,不過唔知佢會唔會曬返比我呢?! 之後,就睇bb 沖涼洗白白喇 !! bb 女好驚沖涼ga, 雖則話起媽媽個肚入面有胎水,但係全程沖涼時要抓住幫佢沖涼既人件衫or 手, 佢先唔會cry, 如果唔係就cry 到7彩.... 咁樣都唔會喊既,因為有隻手捉住佢ma..... 睇左成個鐘頭, 真係有d 唔想走,想玩耐d...不過約左老公起mk 等,所以冇得唔走...........下次先玥去睇佢啦 ^^

睇bb 呀 ^^ 好得意!

kristy_woo — Tue, 07 Oct 2008 09:23:36 +0800

今日係重陽,放假一天........今早唸住去睇表弟個女女既,點之仲未出得院呀! 剩係可以睇到佢d 相! wa~個口仔好大呀,仲大個個鼻仔既............ =.=' 跟住中午就約左班esd 姊妹探 Frances & 佢個心肝寶貝喇......我都7個人一齊去睇佢地 ^^ bb 仔真係好得意呀, 不過原來bb 真係要餵咁多餐ga,唔使一個鐘又要餵一次,做媽媽真係辛苦喇,真係好偉大呢!!! 我地買左3樣野比bb, 希望佢地鐘意啦 !!! bb 好識得擺post ga ^^ 仲識得o 嘴,幾Q 呀! 我地既大合照 ^^ 左上有蚊豬,會長,JUDY, ANAN 左下有珠豬,FRANCES & BB, 我, V 仔(就生得喇) 今日我係咁摸V 仔個肚,希望下個就到我啦, 呵呵 !!!

國慶 dinner

kristy_woo — Wed, 01 Oct 2008 09:35:41 +0800

今日係國慶日,因為老公冇得休息,所以我就同家姐一早出左去做 faical, 扮靚靚 ^^ 之後佢就約左阿強哥,而我就去左宏福搵阿妹食 lunch. 又話1點半食得,點之等等下,成2點多d 呀 ...食完就佢繼續返工,而我就去左青衣街市買餸喇!果度既街市真係好大呀,仲有冷氣tim, good!! 不過都唔係好知煮咩野好,剩係知煲咩湯好jer......最後整左3餸一湯 !! 有木瓜雪耳豬展湯, 粟米腸,娃娃菜雜菜煲,排骨 ^^

屋企又有新成員喇........ hehe!

kristy_woo — Tue, 30 Sep 2008 08:56:27 +0800

前排同阿妹行街,見到個cusion好得意好想買....不過最後覺得太貴喇,所以冇買到.......點知前幾日阿妹就送左比我好得意呀,軟林林 ...... 幫佢改左個名叫做大頭ton啦,呵呵

(訓起上面果d都係自己人來ga^^)

前幾日同老公行過franc franc ,老公見到隻公仔好鐘意wor......不過都唔係好特別jer,而且又貴,不過最後都係買左佢返來.....名為阿紫 (不過老公話個名好難聽wor)

bb 衫仔

kristy_woo — Sat, 27 Sep 2008 09:08:14 +0800

最近好多人生bb 呀, 不過都係朋友既朋友生多,而最親果個就係我表弟個老婆就快生得啦....女wor............另外,仲有個esd 既姊妹都生左喇,真係弓喜曬 !!!

今日同老公去完睇戲後,就落左荃灣千色店行下,睇下bb 既用品 !! wa, 原本bb d 野都唔平ga,不過真係好得意呀,d 衫好細件如果我快d有就好啦,一定會係咁買衫仔比佢著,呵呵!!行下行下,睇左一set 野都幾好wor,有衫仔,有hat,有手套,鞋套,口水巾,又有個禮盒裝住,所以就決定買左佢啦..... 送比我個甥女作為見面禮啦!

哩件原先都想比esd個姊妹ga,不過其他姊妹話佢應該有好多人送衫比佢個bb ga la,所以算啦,買過其他野.......而哩套野就留返比自己果個啦,kaka!!! (藍色....生女都可以著既.)

blog tag ~ 接蕉啦,呵呵!!

kristy_woo — Sat, 20 Sep 2008 08:50:50 +0800

今日睇見洪師奶個blog,佢叫我接招wor 其實我都唔係好明個game 既玩法,唔知有冇玩錯呢?!

遊戲方式：

回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方

1)　你自己最大的缺點？

太過"林善" , 個人太過緊張

2）你最鍾意什麼活動／運動？

都冇咩特別野,平時鐘意睇戲(係恐怖果隻),於至運動....游水lo (不過唔識游),仲有唱歌

3）到目前為止，什麼令你最難忘？

緊係結婚果日啦,07年5月27日,果日係我係最靚既一日,哈哈 !!

3)唔知大家有無想過如果自己做老闆會開咩店?

有,好想問間花店,因為我好鐘意花

4）如果時間可以停止一分鐘，你希望停留在哪一刻？

可以停留返f.6時畢業典禮上,攞獎無數既威風場面

5）如果你走到人生的盡頭了，那在你人生最後的一段歲月，你會做什麼？

我會同老公,屋企人好好咁過埋哩段時間,好好享受同佢地渡過既每一刻每一秒

６）假如有一國家即時批准你擁有永久居留權，你想去邊個國家住？

日本,因為果度d 環境好正,而且又多好野食

７）假如神仙比一個願望你，你想要什麼？（不可回答要多Ｎ個願望！！！）

想快d 做人媽媽,哈哈 !!

8）最欣賞自己身體哪個部份？

眼啦.......夠迷人ma ......嘔!

9）人生最快樂既一件事？

有一個美滿家庭,過得幸福快樂

10.）最令你遺憾的一件事？

起結婚果日冇攬住父母喊 ,因為當時死忍,怕喊出來好樣衰 ~

11) 如果可以讓你做透明人半小時，你會做什麼？

跟蹤老公,睇下佢平時工作時係點樣樣,做d 咩野

12) 如果比你揀, 要金錢還是愛情?

愛情!! 有愛,人生先會過得有意義同開心

13)有邊一個人令你最刻骨銘心?

阿公啦,因為佢令我第一次感受到與親人離別既傷感,而且知道死亡既可怕

14)新問題!如果有得比你擇,你想做男人定女人?點解呢?

我想做男人,因為女人既壓力同責任仲大,又要生兒育女,又要打理頭家,好辛苦呢 ~

到你地接tag啦~1) fanny 2) 莎莉 3)maggiecch